प्रजासत्ताक दिन मराठी छोटी भाषणे 5 । प्रजासत्ताक दिन मराठी माहिती

प्रजासत्ताक दिन मराठी भाषण

आदरणीय व्यासपीठ, पूज्य गुरुजनवर्ग, माझ्या सर्व मित्रमैत्रिणींनो, आज आपण प्रजासत्ताक दिनाच्या निमित्ताने एकत्र जमलो आहोत. या मंगल दिनी आपणा सर्वांना प्रजासत्ताक दिनाच्या मनापासून शुभेच्छा.
यानिमित्ताने आज मी आपणासमोर जे मनोगत व्यक्त करत आहे ते आपण शांतपणे ऐकावे ही नम्र विनंती.
आज आपण आपल्या भारत देशाच्या प्रजासात्ताक दिनाचा ......... वा वर्धापन दिन साजरा करत आहोत.

प्रजासत्ताक दिन हा आपला एक राष्ट्रीय सणच आहे दरवर्षी हा राष्ट्रीय सोहळा आपण २६ जानेवारी ला आनंदाने साजरा करत असतो.

परंतु २६ जानेवारीलाच आपण प्रजासत्ताक दिन का साजरा करतो याविषयी मी तुम्हाला काही माहिती सांगणार आहे.

26 जानेवारी 1929 ला लाहोर मधील रावी नदीच्या किनारी पंडित जवाहरलाल नेहरू यांनी भारताला संपूर्ण स्वातंत्र्य मिळवून देण्याची प्रतिज्ञा घेतली होती. त्यानंतर भारत स्वतंत्र झाल्यानंतर आपल्या स्वतंत्र भारताचे संविधान नोव्हेंबर 1949 मध्ये तयार झाले. हे संविधान 26 जानेवारी 1950 ला लागू झाले. त्यावेळी डॉक्टर राजेंद्र प्रसाद हे आपल्या भारताचे प्रथम राष्ट्रपती होते. तेव्हापासून आजपर्यंत 26 जानेवारी भारतात प्रजासत्ताक दिन म्हणून साजरा केला जातो.

आपले प्रजासत्ताक चिरायू होण्यासाठी आपण सर्व भारतीयांनी वचनबद्ध असले पाहिजे. आपला देश जगात सतत प्रगतीपथावर राहण्यसाठी आपण सर्वांनीच प्रयत्न केले पाहिजे.

जाता जाता शेवटी एवढेच म्हणेन...

या भारतात बंधुभाव नित्य वसू दे

या भारतात बंधुभाव नित्य वसू दे,

दे वरचि असा दे

हे सर्व पंथ संप्रदाय एक दिसू दे,

मतभेद नसू दे

!! वंदे मातरम् !!

DOWNLOAD PDF HERE

निर्मिती : गिरीष दारुंटे, मनमाड

Copyright Disclaimer
वरील माहिती स्वनिर्मित असून विद्यार्थी व शिक्षक सहकार्य हेतूने निर्मिती करण्यात आली आहे.
ब्लॉगवरील माहिती कोणत्याही वेबसाईटवर / युट्युब चॅनलवर कॉपी करू नये.
┉┅━━━━━━•❀•━━━━━━┅┉