“ स्वच्छता असे जेथे , आरोग्य वसे तेथे ”
1) गाडगेबाबांचा एकच मंत्र, स्वच्छतेचे जाणा तंत्र.
2) स्वच्छता आली अंगणात, समाज का अंधारात.
3) सुरक्षित साधन पाण्याचे, महत्व पटवा हातपंपाचे.
4) हगवण, अतिसार रोगाचा प्रसार, हे तर दूषित पाण्याचे प्रहार.
5) उघड्यावर शौचास बासु नका, रोगांना आमंत्रण देऊ नका.
6) पाणी म्हणजे जीवन, हेच आपले स्पंदन.
7) स्वच्छतेचे संदेश ध्यानी धरु, आरोग्य आपले निरोगी बनवू.
8) पाण्याचे भांडे नेहमी स्वच्छ धुवा, डासांची अंडी पळवुन लावा.
9) पिण्यासाठी हवे शुध्द पाणी, नाहीतर होईल आरोग्याची हानी.
10) कचरा कुंडिचा वापर करू, सुंदर परिसर निर्माण करू
11) सांडपाण्याची योग्य विल्हेवाट, गावात येईल आरोग्याची पहाट.
12) स्वच्छ घर , सुंदर परिसर, शोचखड्याचा करुया वापर.
13) आधी केले मग सांगितले, आधी आपल्या घरी शौचालय बांधले.
14) ज्याचे घरी सदैव स्वच्छता, नांदेल तेथे आरोग्य सुबता.
15) रंग भगवा त्यागाचा, मार्ग स्विकारू स्वच्छतेचा.
16) शौचालय असेल जेथे, खरी प्रतिष्ठा येईल तेथे.
17) पाण्याच्या स्वच्छेते विषयी दक्षता घेव़ू, सर्व रोगराईना दूर पळवू .
18) स्वच्छते विषयीची प्रत्येक कृती, देईल सामाजिक आरोग्याला गती.
19) स्वच्छता माणसाचे आत्मदर्शन घडविते.
20) वैयक्तिक स्वच्छतेची महती, रोगापासुन मिळेल मुक्ति.
21) हातात मोबाईल, घरात फोन, उघड्यावर शौचाला बसलयं कोण.
22) जेवणापूर्वी धुवा हात, जेवणानंतर धुवा दात.
23) नखे कापा बोटाची, नाही होणार व्याधि पोटाची.
24) असेल दृष्टी, तर दिसेल स्वच्छ सृष्टि.
25) संडास बांधा घरोघरी, आरोग्य नांदेल त्याच्या दारी.
26) सांडपाण्याला आळा, रोगाराई टाळा.
27) स्वच्छ सुंदर परिसर, जीवन निरोगी निरंतर.
28) स्वच्छ शाळा करा हातांनी, सुंदर गाणी गाऊ मुखांनी.
29) स्वच्छ सुंदर परिसरातुच, सुंदर सुसंस्कृत नागरिक घडतात.
30) गावकरी मिळुन एक काम करू, शौचालयाचा वापर करू.
31) संडास बांधण्या नाही म्हणू नये, शौचाला लोटा घेऊन जाऊ नये.
32) पाणी शुद्धिकरण नियमित करू, सर्वांचे जीवन आरोग्य संपन्न करू.
33) पिण्याचे पाणी घ्या ओगराळ्याणे , दूषित करू नका तुमच्या हाताने.
34) स्वच्छता व शुद्ध पाणी हे आहे तंत्र, ग्रामिण आरोग्याचा हाच
कानमंत्र.
35) नका बसु उघड्यावर संडासाला ,संधि मिळेल रोगाराई
पसरण्याला.
लेखन : अनिल एच. माने, यशवंतनगर
साफ सुंदर माझे मन, देश माझा सुंदर राहो,
रस्त्यावर सुगंध प्रसरो, कचरा डब्याच्या आत राहो.
करू आपण असे काम, टिकून राहील देशाची शान.
स्वच्छता ठेवा, आजार पळवा.
बाहेरचे खाऊन आला, त्याला कुष्ठरोग झाला.
जेथे असेल सांडपाणी, तेथे लावा मच्छरदानी.
स्वच्छता म्हणजे रोजचा सण, नाहीतर कायमचे आजरपण.
सफाई करा रोज, घाणीचा प्रोब्लेम होईल क्लोज .
कचरा करुनी कमी, आरोग्याची मीळेल हमी.
घाण टाकल्याने वातावरणच नाही पण आत्मा सुद्धा मैली होते.
माझे शहर साफ असो, त्यात सर्वांचा हात असो.
स्वच्छते मध्ये देवांचा अंश असतो.
गाडगेबाबांना मानु या, स्वछतेला जाणू या….
स्वच्छतेविना सौन्दर्य सिद्ध होत नाही.
स्वच्छ घर स्वच्छ आंगण, प्रसन्न ठेवू वातावरण.
स्वच्छता शिका, आरोग्याला जिंका.
स्वच्छता ठेवा भरपूर डोक्टर राहील दूर दूर.
स्वच्छता असे जेथे, आरोग्य वसे तेथे.
परिसर स्वच्छ ठेवाल, तर निरोगी व्हाल.
धरती, पाणी, हवा, ठेवा साफ. नाहीतर येणारी पिढी करणार नाही
माफ.
संकलन : गिरीष दारुंटे, मनमाड