शिवाजी महाराज मराठी भाषण १ | शिवजयंती भाषणे | शिवाजी महाराज मराठी माहिती | शिवाजी महाराज छोटी भाषणे

शिवाजी महाराज मराठी माहिती

आजच्या कार्यक्रमाचे अध्यक्ष, सन्माननीय व्यासपीठ आणि उपस्थित मित्रमैत्रिणींनो, सर्वप्रथम छत्रपती शिवाजी महाराजांना त्रिवार मानाचा मुजरा !

न काळवेळ तयांना लागे

शत्रु धारातीर्थी पाडाया ।

स्मरता शिवरायांचे शौर्य

लागे इतिहास घडाया ।।

मध्ययुगीन काळात महाराष्ट्रात अनेक परकीय सत्ता हुकूमत गाजवीत होत्या. अशा कठीण परिस्थितीत १९ फेब्रुवारी १६३० रोजी सोन्याचा दिवस उजाडला. एक तारा शिवनेरीवर चमकला, जिजाऊंच्या पोटी पुत्र जन्मला, मानाचा मुजरा करते छत्रपतींना, ज्यांनी स्वराज्य रूपी भगवा झेंडा रोवला.

शिवरायांच्या वयाची पहिली सहा वर्षे फार धावपळीत गेली. शिवरायांना शहाजी राजांचा फारसा सहवास मिळाला नाही. जिजाऊंच्या सावलीत आणि संस्कारात बाळकडू घेत शिवरायांचे बालपण आकार घेत गेले. वयाच्या सातव्या वर्षापासून शिवरायांच्या शिक्षणाला प्रारंभ झाला त्यांनी अनेक विदया पारंगत केल्या. इ. स. १६४० मध्ये त्यांचा विवाह सईबाई यांच्या बरोबर थाटामाटात झाला व १६४५ मध्ये रायरेश्वराच्या मंदिरात स्वराज्य स्थापनेची प्रतिज्ञा केली. मावळ्यांच्या साथीने स्वराज्याची घोडदौड सुरू झाली.

त्याकाळी "ज्याचे किल्ले, त्याचे राज्य " हे वाक्य सार्थ ठरवत शिवरायांनी तोरणा किल्ला प्रथम जिंकून स्वराज्याचा श्रीगणेशा केला. नंतर कोंढाणा, पुरंदर, राजगड, जावळी असे किल्ले

एकामागून एक ताब्यात घेतले. अफजलखान, सिद्दी जोहर, दिलेरखान, शायिस्तेखान, उदयभान अशा शत्रूशी लढताना शिवरायांच्या मावळ्यांनी गनिमी काव्याने लढा दिला आणि शत्रूवर विजय मिळवला. या सर्वांच्या प्रयत्नातूच हिंदवी स्वराज्याचे स्वप्न शिवरायांनी प्रत्यक्षात साकारले.

म्हणून म्हणावेसे वाटते...

अशी करारी नजर सदा

गनिमा भेदूनी पाही आरपार ।

शिवरायांमुळेच जाहले

स्वप्न स्वराज्याचे साकार ।।

बोला छत्रपती शिवाजी महाराज की जय !

जय भवानी, जय शिवाजी ।

जय जिजाऊ, जय शिवराय ।।

Copyright Disclaimer : वरील साहित्य स्वनिर्मित असून विद्यार्थी व शिक्षक सहकार्य हेतूने तयार करण्यात आले आहे. ब्लॉगवरील माहिती कोणत्याही वेबसाईटवर / युट्युब चॅनलवर कॉपी करू नये.

इतरही शिवजयंती उपयुक्त माहिती

शीर्षकावर क्लिक करा.

👇👇👇👇👇👇👇👇👇

↪️ सूत्रसंचालन-निर्मिती-गिरीश दारुंटे

↪️ Audio Flipbook-गिरीश दारुंटे

↪️ शिवजयंती प्रास्ताविक-गिरीश दारुंटे

↪️ चारोळ्या-निर्मिती-गिरीश दारुंटे

↪️ शिवस्तुती-प्रेरणामंत्र

↪️ शिवजयंती-पोवाडा

↪️ शिवजयंती-फलक लेखन

🎙️ मराठी, हिंदी व इंग्रजी भाषणे

↪️ छत्रपती शिवरायांचे बालपण